ဘာစီလိုနာ အသင်း ၏ အာဂျင်တီးနား လက်ရွေးစင် တိုက်စစ်မှူး မက်ဆီ သည် အသရေဖျက်မှု အတွက် ရရှိသည့် လျော်ကြေး အား နယ်စည်းမခြား ဆရာဝန် များအဖွဲ့ထံ ပြန်လည် လှူဒါန်း ခဲ့ကြောင်း သိရသည်။
၂၀၁၄ ကမ္ဘာ့ဖလား ပြိုင်ပွဲ ဗိုလ်လုပွဲ အပြီးတွင် စပိန်နိုင်ငံ မက်ဒရစ်မြို့အခြေစိုက် La Razon သတင်းစာက ဂျာနယ်လစ် အယ်လ်ဖွန်ဆို အူစီယာ၏ ‘Sonatina’ အမည်ရှိ ဆောင်းပါး အား ဖော်ပြခဲ့သည်။ အူစီယာ သည် ယင်းဆောင်းပါးတွင် မက်ဆီ အား ပြင်းထန်စွာ ဝေဖန် ရေးသားထားပြီး စွမ်းဆောင်မြင့်မားစေသည့် နန်ဒရိုလုန်း တားမြစ်ဆေး သုံးစွဲခဲ့ကြောင်း၊ ဆံပင်တု ၀တ်ဆင်ခဲ့ကြောင်း စသည်ဖြင့် ပုဂ္ဂိုလ်ရေး တိုက်ခိုက်မှုများ ပြုလုပ်ခဲ့သည်။ ထို့ကြောင့် မက်ဆီ က အသရေဖျက်မှုအတွက် တရားစွဲဆိုခဲ့ရာ ဘာစီလိုနာ တရားရုံး က နစ်နာကြေး ယူရို ၇၂,၇၈၃ ပေးအပ်ရန် ပြီးခဲ့သည့်နှစ်တွင် ဆုံးဖြတ်ခဲ့သည်။ La Razon သတင်းစာ က ပြစ်ဒဏ်အား စပိန် တရားရုံးချုပ် ထံ အယူခံဝင်ခဲ့သော်လည်း ဘာစီလိုနာ တရားရုံး ၏ ဆုံးဖြတ်ချက်ကိုသာ အတည်ပြုရန် ဆုံးဖြတ်ခဲ့သည်။ မက်ဆီ သည် ကြိုတင်ကတိပြုထားသည့်အတိုင်း လျော်ကြေးရရှိသည့် ပမာဏအားလုံးကို နယ်စည်းမခြားဆရာဝန်များအဖွဲ့ထံ ပြန်လှည် လှူဒါန်း ခဲ့ကြောင်း ၎င်း၏စီမံခန့်ခွဲမှုကုမ္ပဏီက နိုဝင်ဘာ ၃ ရက်တွင် ESPN သတင်းဌာနသို့ အတည်ပြု ပြောကြားသည်။
Post a Comment